واحد بيسألني ليش كتير بتحبوا الشام

تنهدت وقلتله الشام الشام 🌸🌸 هي رائحة البن بالبزورية وعجقة سوق الحميدية وصلاة العيد بالاموي وزيارة قصر العظم هي اكل الدرا المشوي بالروضة ، والبوظة عند دامر هي تلجات...

تنهدت وقلتله الشام
الشام 🌸🌸
هي رائحة البن بالبزورية
وعجقة سوق الحميدية
وصلاة العيد بالاموي
وزيارة قصر العظم
هي اكل الدرا المشوي بالروضة ،
والبوظة عند دامر
هي تلجات بلودان
وزهر الغوطة
هي سيران الشادروان
والمشاوي بالفيجة
والبطيخة بنبع بردى
وكرز مضايا وسفرجل الاشرفية وجانرك بسيمة ووادي بردى ،
هي النومة بارض الديار بعد الشطف ،
والياسمين والنارنج والكباد ،
هي شرب مية الفيجة الباردة من الحنفية بيوم صيف ،
وعرقسوس رمضان والتمر الهندي والتوت الشامي ..

الشام 🌸🌸 أ
هي موسيقى (غدا نلتقي) يوميا قبل النوم
هي سوق الجمعة آخر الليل وخبز التنور مع الفول عند بوز الجدي وجمعة الشباب الحلوة
وأكلة التسقيية بالسمنة مع الصنوبر
هي الكنافة النابلسية عند أباظة ،
هي شاورمة أبو العبد
هي الشوكلامو من عند دامر

الشام 🌸🌸
سكبه من عند الجيران
الشام عرق سوس وتمر هندي برمضان من العيبه وبطريقك كيلو مشبك وأصابع وعوامه ….
الشام🌸🌸
ريحه الملوخيه معبيه الحاره
وجارتنا طابخه باميه ورز ….
الشام🌸🌸
ريحه المعمول معبيه الحاره
و سكبة لبيت للجيران …
الشام🌸🌸
تفتيله للصبح من الصالحيه والجسر الأبيض وعالحمديه والبزوريه وبطريقنا بنطلع من باب توما وكلو مشي ….
الشام🌸🌸
صبحيه العيد وكل واحد حامل باقه آس واول زياره عند الام أو الاخت الكبيره ….
الشام🌸🌸
ريحه الخيار البلدي والكرز والتفاح الشامي وعجقه المونه والزيتون والمكدوس وبوسه أيد الاب والام والخال والخاله والعمه ….
الشام🌸🌸
الرمان المعلق بالبلكون والتوم ومونه الفول والبزاليا والملوخيه والباميه …..

الشام يعني الطرخوم يلي ماحدا بيعرفو غيرها …..
وفِي حدا ما زار الشام وطلع على قاسيون وطل على بيوتها الغفيانه بأمان
هي هي الشام 💕💕

وبعدك بتسأل ليش منحب الشام
الله الله ياشام 💜الله يحميكي ياشام

لا تعليق

اترك رد

*

*

اخرجه