رسالة الى الله

كتب الأديب المصري الراحل توفيق الحكيم في سبعينيات القرن الماضي (رسالة إلى الله)، بأسلوبه النقدي الساخر ، و بلهجة عامية مصرية محببة . هذه الرسالة ماتزال صالحة حتى اليوم...

كتب الأديب المصري الراحل توفيق الحكيم في سبعينيات القرن الماضي (رسالة إلى الله)، بأسلوبه النقدي الساخر ، و بلهجة عامية مصرية محببة .
هذه الرسالة ماتزال صالحة حتى اليوم .
تستحق القراءة..

عزيزي الله :
عارف إنك موجود وأقرب من حبل الوريد ليا، ومؤمن بعظمتك وعبقريتك ورحمتك، بس عاتب عليك يا سيدي إنك سايب شوية صيع يتكلموا بإسمك ويشوهوا صورتك، ويسرقوا فلوسنا ويصرفوها عليك، مع إنك غني وف إيدك خزاين الكون، واحنا الفقراء إليك وانت الغني عنا…………..
يرضي حضرتك يارب تكلفنا كل سنة تلاتة ونص مليار دولار عشان نزور حضرتك ف صحراء الخراب، هو حضرتك بتسكن بيت زي يهوه رب اليهود إللي كان ساكن- ولامؤاخذة- ف صندوق؟ دا انت أقرب لينا من حبل الوريد، ولاحظ حضرتك إن الدولار بقى غالي أوي وداخل على عشرين جنيه، يعني زيارتك بتكلفنا فوق الستين مليار جنيه واحنا أصلا شعب بينام من غير عشا…………..
يرضي حضرتك يارب ، الأزهر إللي مالوش لازمة غير نشر الشر والخراب ياخد مننا 14 مليار جنيه كل سنة عشان يبني أكشاك للفتوى تقولنا نطرطر ازاي ونخش الكانيف- ولامؤاخذة- بالرجل الشمال ولا اليمين؟
يرضي حضرتك يارب ياخدوا مننا مسيحيين ومسلمين 800 مليون جنيه ف الشهر يعني فوق العشرة مليار ف السنة عشان ينوروا ويكيفوا المساجد بتاعة سعادتك؟ يعني هو البيه المؤمن يروح يتكيف ف الجامع وياخد حسنات، وأخونا الكافر النصراني يدفع له الفاتورة، وبرضو يخش النار؟
يرضيك يارب ، المؤمنين بتوعك يروحوا يحرقوا بيوت المسيحيين إللي بيذكروا فيها إسمك، ويمنعوهم من الصلاة إلا برخصة؟ عمرك سمعت حضرتك عن الصلاة أم رخصة؟
أخونا حسن حنفي – الفاجر- بيسأل هو احنا إللي هانصرف عليك يارب ولا إنت إللي هاترزقنا؟ رديت عليه وأفحمتو، قلت له يا يساري يا كافر، إحنا هانصرف فلوسنا على ربنا وندعيه بعد كدة يرزقنا، وحضرتو إن شاء الله مش ها يتأخر ف الإجابة، هي مسافة السكة، وطبعا كلنا عارفين زحمة المواصلات وطول المسافات……………….
وحياة حبيبك النبي ماتزعلش مني، أنا بس بسأل زي سيدنا النبي إبراهيم : ليطمئن قلبي، ولو زعلان حضرتك، ولا كأني قلت حاجة………..
ويجعله عامر حضرتك.!!!

لا تعليق

اترك رد

*

*

اخرجه

  • فن_الرد ” عندما غنت فيروز “:

    الآن الآن وليس غداً … أجراسُ العودةِ فلتُقرع . رد عليها نزار قباني : مِن أينَ العـودة فـيروزٌ …. والعـودة ُ تحتاجُ لمدفع . عـفواً فـيروزُ ومعـذرة …أجراسُ العَـودة...
  • الأرجنتين : ولادة غريبة لعجل بوجه بشري

    تدول نشطاء مواقع التواصل الاجتماعي في مدينة فيلاانا الأرجنتينية مقطع فيديو في حادثة نادرة جداً يظهر عجل حديث الولادة بوجه بشري. وأظهر الفيديو ولادة العجل مع أنف وفم صغير...
  • قال احمد مطر في وصف العرب:

    قال احمد مطر في وصف العرب: يكذبون بمنتهى الصدق ويغشون بمنتهى الضمير وينصبون بمنتهى الامانه ويخونون بمنتهى الاخلاص ويدعمون اعدائهم بكل سخاء ويدمرون بلدانهم بكل وطنيه ويقتلون اخوانهم بكل...
  • شيء يستحق المشاركة!

    توفي ستيف جوبز كملياردير ، بثروة قدرها 7 مليارات دولار ، عن عمر يناهز 56 عامًا من سرطان البنكرياس ، وإليك بعض كلماته الأخيرة … “في نظر الآخرين ،...